Tölvuleikjaspjallið

Tölvuleikjaspjallið er í banastuði í síðasta þætti sínum fyrir langþráð sumarfrí! Tökum saman stærstu fréttir ársins, helstu leiki og tölum um að þetta er sex ára afmælisár Tölvuleikjaspjallsins! Í haust kemur þáttur númer 300 út! Hvernig eigum við að fagna? Takk fyrir að vera með okkur öll þessi ár <333

Ah shit, here we go again ... Tölvuleikjaspjallið dýfir tánnum oní nostalgíuvötnin með því að kíkja á einn besta tölvuleik allra tíma: San Andreas. VIð erum að hita upp fyrir komu GTA VI með því að skoða alla gömlu góðu GTA leikina. Bílarnir, borgirnar, karakterarnir, útvarpsstöðvarnar og MARGT fleira í stútfullum endurminningarþætti!

Hatur ... volæði ... glundroði ... Diablo IV Þessi þriggja ára gamli leikur er enn að spilast út um allan heim. Tveir stórir aukapakkar, þrír nýir klassar ... nóg að gera! Diablo sérfræðingur Tölvuleikjaspjallsins Siggi Sören mætir og ræðir við Arnór Stein um leikinn. Klassarnir, djöflarnir, breytingarnar og margt fleira í stútfullum þætti vikunnar. Ert þú að spila Diablo IV? Endilega segðu okkur frá því!

Nafnið er Spjallið ... Tölvuleikjaspjallið. Nýjasti 007 leikurinn er kominn út og við erum HRIFNIR! Arnór Steinn og Gunnar ræða sín fyrstu hughrif af þessum eftirvænta leik. Algjörlega spoiler free! Hvað finnst okkur um bardagakerfið, byssurnar, staðsetninginn, Bondarann og fleira! Er Bond kominn í þína tölvu? Segðu okkur hvað þér finnst!

State of Play var að klárast rétt í þessu og við gerðum smá tilraun. Við höfðum sýninguna í gangi og tókum upp þátt á meðan við horfðum! Þannig þetta er live commentary fyrstu viðbrögð Arnórs Steins og Gunnars á öllum kynningunum! Það er smá skrýtið að horfa án samhengis en ekkert ómögulegt ... Ef þið viljið vera á sama stað og við þá skuluð þið horfa á official Sony YT rásar videoið og hafa á pásu á mínútu 29:45 og ýta á play þegar Arnór segir play í þættinum! Hvernig gekk þetta hjá okkur? Endilega látið vita ef þið fíluðuð þetta format eða ekki!

Var besti Lego leikur allra tíma að droppa? Mögulega. Arnór Steinn fékk góðvin þáttarins Sölva Santos til að ræða nýja Lego Batman leikinn! Hvað gerir leikurinn rétt? Hvað er öðruvísi? Er þetta geitin? Ef þið eruð búin að prófa nýja Lego Batman megiði endilega senda á okkur og segja hvað ykkur finnst! Þátturinn er í boði Pixelwear.is

Þáttur vikunnar er um Saros. Þáttur vikunnar er um Saros. Þáttur vikunnar ... ... þið fattið hvað málið er. Roguelike leikur þar sem markmiðið er að deyja og verða betri. Hvað finnst Arnóri Steini og Gunnari um þennan ágæta leik? Arnór er mjög tapsár og Gunnar hatar roguelike. This should be good ... Þátturinn er í boði PixelWear.is

Verður Fable seinkað? Var Lana Del Rey að droppa top 5 Bond lagi? Þetta og margt fleira í stútfullum fréttaþætti!

Strákarnir eru komnir aftur úr páskafríi og leikur vikunnar er CRIMSON DESERT. Leikurinn er stútfullur og fallegur - en er hann góður? Fyrstu hughrif Arnórs Steins og Gunnars í pökkuðum þætti vikunnar. Hvað fannst þér um Crimson Desert?

Að vera hetja eða ekki hetja ... Þáttur vikunnar er um DISPATCH - interactive ævintýraleik sem sló í gegn í fyrra. Arnór Steinn og Snorri Freyr ræða Dispatch bak og fyrir í stútfullum þætti. Það er alveg allur pakkinn, enda erfitt að tala um leikinn án þess að tala um söguna ... leikurinn er líka bara ... já ... saga. Hvað fannst þér um Dispatch?